საბაკალავრო პროგრამის სახელწოდება: მათემატიკა
პროგრამის ხელმძღვანელები/კოორდინატორი: 

ილია თავხელიძე, ასოც. პროფესორი;

როლანდ ომანაძე, პროფესორი;

ომარ ფურთუხია, პროფესორი, პროგრამის კოორდინატორი.

პროგრამის მიზანი:

მათემატიკა, მისი აბსტრაქტული ბუნების გამო გამოყენებადია თითქმის ნებისმიერ დისციპლინაში, რომელიც მოითხოვს ანალიტიკურ  აზროვნებას. საბაკალავრო პროგრამის მიზანია:

• მისცეს სტუდენტს ისეთი ცოდნა და უნარ-ჩვევები, რომელთა გამოყენებაც შესაძლებელია თეორიულ ან/და პრაქტიკულ კონტექსტში მათემატიკის სხვადსხვა დარგში წარმოქმნილი პრობლემების გაგების, ანალიზის, შეფასების და გადაწყვეტის თვალსაზრისით. 
• უზრუნველყოს განსხვავებული საგანმანათლებლო მისწრაფებების მქონე სტუდენტთა ინტერესის დაკმაყოფილება მათთვის ზოგადი (ფართო) განათ­ლების, ვიწრო სპეციალიზებული განათლების და ინტერ­დისციპლინარული განათლების მიღების საშუალების შეთავაზებით.
• უზრუნველყოს კურსდამთავრებულები ისეთი ცოდნით და უნარ-ჩვევებით, რომ მათ შეძლონ სწავლის გააგრძელება განათლების შემდეგ საფეხურზე ქვეყნის შიგნით ან საზღვარგარეთ, იყვნენ კონკურენტუნარიანები შრომით ბაზარზე.

პროგრამაზე დაშვების წინაპირობა: ერთიანი ეროვნული გამოცდები

დასაქმების სფეროები:

სწავლის პროცესში მიღებული ცოდნა და უნარ-ჩვევები ფართო ასპარეზს უხსნის მათემატიკის საბაკალავრო პროგრამის კურსდამთავრებულს. ზოგადი კომპეტენციების დიდი ნაწილი, რომელსაც მათემატიკის სასწავლო კურსები ბუნებრივად ანვითარებს, მნიშვნელოვანია პოტენციური დამსაქმებლებისთვის.

კურს­დამთავრე­ბულ­­თა ნაწილი ტრადიციულად მუშაობს განათლების, მეცნიერების, ბიზნესის სფეროში, საფინანასო და სახელმწიფო სტრუქტურებში; ნაწილი კი აგრძელებს სწავლას განათ­ლე­ბის შემდეგ საფეხურებზე, როგორც მათე­მატიკის ასევე სხვა მიმართულებით,  როგორც საქართველოში ასევე - საზღვარგარეთ.